Sgrin

Croeso i Dudalen Sgrin Gwenfair, lle gallwch ddarllen am ddetholiad o'i pherfformiadau teledu a ffilm a gweld lluniau cynhyrchiadauu sgrin.

Mae gan Gwenfair gyfoeth o brofiad fel actor ar y sgrin, yn ogystal â'i gwaith helaeth fel actor llwyfan a llais. Mae hi'n angerddol am archwilio dyfnderoedd ei chymeriadau, ac wrth ei bodd â'r her o ddod â nhw'n fyw ar y sgrin, gan greu cymeriadau crwn a chredadwy. Dechreuodd weithio ym myd teledu yn gynnar yn ei gyrfa, a chyn gweithio yn Efrog Newydd, ymddangosodd yn gyson ar y teledu, gan bortreadu amrywiaeth o gymeriadau rheolaidd a gwestai mewn sawl tymor o gomedi a drama, tra hefyd yn ymddangos mewn ffilm annibynnol a gweithio fel cyflwynydd ar gamera.

Yn Efrog Newydd, chwaraeodd Gwenfair y prif fenyw yn 'Gods Gift', cystadleuydd yng nghategori The Academy Awards Best Live Action Short Film', ochr yn ochr â Frank Pellegrino a Max Kellerman. Yn y ffilm ddramatig, sy'n archwilio'r berthynas rhwng enwogion a'u cefnogwyr, portreadodd Gwenfair Dr Jenkins, llawfeddyg trawma, sy'n dial yn erbyn seren pêl-fas. Hefyd Chwaraeodd y prif fenyw yn 'Tywallt Inc' drama unigol i S4C, lle portreadodd gwraig gariadus i awdur a gollodd ei ysbrydoliaeth greadigol, a ddaeth wedyn yn gyfrifol am ei thranc difrifol.

Ymysg hoff rannau teledu rheolaidd Gwenfair oedd ei phortread o'r newyddiadurwr ymchwiliol a'r cynhyrchydd radio Leanne Prys yn yr opera sebon 'Pobl y Cwm', gan y BBC ar gyfer S4C. Mwynhaodd bortreadu'r cymeriad uchelgeisiol a'r natur gyflym o weithio ar y ddrama hirhoedlog, gyda'r cyfle i ddatblygu ei chymeriad dros gyfnod estynedig o amser, tra'n cymryd rhan mewn straeon dramatig, teimladwy ac ysgafn, yn y stiwdio ac ar leoliad.

Mwynhaodd Gwenfair y cyfle i ddefnyddio ei gallu comedig ar y teledu wrth bortreadu'r prif fenyw, Megan mewn dau dymor o'r comedi sefyllfa 'Hafod Haidd' ar gyfer S4C. Roedd hi wrth ei bodd yn chwarae merch pigog y teulu ffermio tywyllodrus oedd yn byw mewn budreddi, wedi ei ffilmio ar leoliad ar fferm, ac ar set stiwdio. Roedd paratoad dyddiol Gwenfair ar gyfer y rôl yn cynnwys cael ei breichiau, coesau, gwyneb a'i gwddf wedi'u gorchuddio â chymysgedd clai brown i efelychu baw, melynu ei dannedd a matio ei gwallt, cyn dringo mewn i ddillad budr wedi'u rhwygo, a phâr o sgidiau glaw.

Mae Gwenfair hefyd wedi ymddangos mewn amryw gyfresi teledu fel cymeriadau gwadd. Ymhlith hoff rolau gwadd Gwenfair oedd mewn pennod o ddrama feddygol wythnosol ar S4C, lle portreadodd dynes busnes annifyr ar gwrs hyfforddi awyr agored, pan cafodd ei grŵp ei stelcio gan ddyn efo gwn. Mwynhaodd heriau corfforol y stori, a ofynodd iddi a'i chyd-actorion redeg mewn coedwig, croesi afon ar raff, a chymeryd lloches mewn gwahanol leoliadau yn y tandyfiant i greu'r amgylchiadau ofnus tra'n cael eu dilyn.

Yn ogystal â'i phrofiad actio ar y sgrin, mae Gwenfair hefyd wedi mwynhau gweithio fel cyflwynwraig stiwdio deledu a lleoliad, rôl sydd wedi bod yn addas i'w diddordeb mewn pobl a'i gallu i feddwl ar ei thraed. Yn Efrog Newydd, ysgrifenodd a cyflwynodd adolygiadau theatr ar beilot teledu ar gyfer Dinas Efrog Newydd, yn ogystal ac ysgrifennu a chyflwyno cyflwyniad i 'Wythnos Cymru Efrog Newydd' ar gyfer Llywodraeth Cymru, Efrog Newydd. Ei chytundeb teledu cyntaf oedd fel cyflwynydd ar raglen i blant ar S4C, ac yna rhaglen gelfyddydol a chylchgrawn 'The Wrap' ar gyfer BBC Choice, pan y fu'n cyfweld ag artistiaid o wahanol genres am eu gyrfaoedd.

I ddarllen mwy am waith perfformio Gwenfair, ewch i'r tudalennau Llwyfan a Llais. I ddarllen adolygiadau a chyfweliadau, ewch i dudalenau Actor a Y Wasg. I ddarllen am ei gwaith creadigol, ewch i'r dudalen Creadigol.

Os oes ganddoch ddiddordeb mewn trafod prosiect Sgrin gyda Gwenfair, cwblhewch y ffurflen ar ei Thudalen Cyswllt os gwelwch yn dda. Diolch am ymlweld a Thudalen Sgrin Gwenfair.

.